香港新浪網 MySinaBlog
« 上一篇 | 下一篇 »
Dozy.第一桶金 | 22nd Oct 2015 | 一般, 財富@投資世界 | (5749 Reads)
利奧坊。曉岸...令大角咀再次成為戰場!
經常有朋友問,邊區有潛力,好多...大角咀係其中之一!
大角咀與港島西不同,賣的不是基建概念,是重建概念!相信很多朋友對大角咀都很陌生,如果 1% Anthony 唔係幾年前曾經住過港灣豪庭,到今日都未必識路。大角咀是一個舊區,好舊、好草根,好多四、五十年的唐樓、洋樓、劏房、工廠大廈,未來將會有很多重建項目,整個區將會有翻天覆地的轉變!筆者喜歡將大角咀分成兩大地段...

Picture


旺角段(塘尾道至大角咀道)

大角咀位處兩個地鐵站之間,旺角段顧名思義是近旺角站,這部份是一個工業與住宅的混合區。由豪華戲院開始延伸,區內有很多舊式工業大廈,部份已重建成為全新智能式工廈,例如 Solo、The Bedford 等,最高呎價逾萬。至於住宅方面,非常多元化,有四、五十年的舊樓,如大角咀大廈、福和大廈、福明大廈等,又有二十多年、三十多年的上車盤,如富多來新邨、海康大廈等,又有好幾幢近年重建,樓齡只有幾年的半新盤,如奧柏御峰、奧朗御峰、柏豐 28、iHome、形品星寓等。最近又多咗幾個地盤,當中包括不久前公佈的槐樹街需求主導項目,收購呎價竟然高達 13,614 元,加上建築成本,將來售價肯定不便宜!

Picture

Picture

Picture

奧運段(大角咀道至奧運站)
顧名思義,這個地段靠近奧運站多於旺角站,部份街道與澳運站的知名屋苑甚至只有一條行人天橋之隔,利奧坊。曉岸亦在這個範圍。區內有幾個大型屋苑,樓齡 4 字頭代表有中匯街以南的大同新邨,樓下簡直是美食天堂,5 字頭代表有中匯街以北的中字樓,簡直是劏房天堂。年輕 1 字頭頭代表有港灣豪庭,市區大型屋苑入門之選,當中又會有些名不經傳的單幢上車盤,低至 300 萬以下,投資兵團戰友亦有入貨。

Picture

Picture

利奧坊位於利得街與福澤街之間

以前住港灣豪庭都好少過去,因為當時收購已經進行得如火如茶,商店都執得七七八八,再加上呢幾條街都係好舊、好舊的樓,冇乜好行,不過周邊的角祥街、博文街則另有一番天地,例如樓齡極舊的富貴大廈,由於鄰近匯豐及中國銀行大樓,很多高消費群,地舖開了很多酒吧、食肆,每逢晚上放工時間都有如一個小 Soho。

Picture

Picture

Picture

個人來說較喜歡旺角段,亦有朋友喜歡奧運段!
兩年前筆者在附近買了一個上車盤給老三,2XX 多萬買入,已升值近 100 萬,市值租金回報近 5%,今年又與朋友買了一個半新樓單位,市值租金回報近 4%,新樓、中價樓係低啲,見平過估價 80 多萬,相比其他地區的單幢新樓,質素贏晒,所以就買了,另外亦有不少戰友在附近入了貨,等待收成。

Picture

至於利奧坊,曉岸,由四個重建項目組成...
旁邊另外有三幢大廈靜待重建,四個項目基座都有商場,而且將會統一管理,形成一個大商場,而家嗰區環境真係好差,預期幾個樓盤落成之後,將會有翻天覆地的轉變,如果 400 萬樓下買到一房單位,以現市價計算租 1.4 萬應該沒有問題,租金回報可望達 4% 以上,新樓來說很不錯了。除了住宅之外,附近的工廈、舖位亦值得留意。

朋友:「唔驚樓價跌咩?」
筆者:「周圍重建起樓,起到膨膨聲,跌都唔會跌得多啦!」
朋友:「專家話可能跌三成、五成喎!」
筆者:「係咪有貨平三成先,有幾多要幾多,哈哈!」
今個星期有 King Sir 分享,聽吓佢點樣面對升跌啦...

★★★ 1% 地產投資實戰。免費講座!★★★
★ 萬眾期待!星級投資者 King Sir 分析後市走勢!★
內容:講市況!中原指數大跌,入市機會重臨,仲唔行動?
   講財技!樓轉命運!如何用盡按揭,一層變兩三層?
   講收租!揀 4、5 厘筍盤物技?成本低,回報高?
講者:《樓轉命運》等作者,星級投資者 King Sir
日期:10 月 23 日(五)7~10pm  
地點:佐敦
留位:65330710-Cola、60980107-Icy
   (歡迎 Whatsapp)

About ME...
如果啱睇請加入 Facebook 群組「投資兵團」或讚好...
第一桶金專頁:www.facebook.com/anthony.wealth
第一桶金:http://anthony_chung_is.mysinablog.com

NEW!第一桶金信箱
如有關於物業的問題,歡迎到我的 Facebook,PM 給我!
1) 如果我識答,2) 如果不涉及太多課程內容,將盡量回覆。

免責聲明:本文純粹筆者個人意見,沒有促銷物業意圖。本人盡力確保資料正確,但不保證完全無誤,讀者須親身求證,參閱相關資料及售樓說明書,若有任何損失本人概不負責。
留言(4) | 引用(0) | 話題(地產)

[4] Re: 同同
同同 :

大同新村而家入得過嗎?



呎價 9000 左右 Okay


[引用] | 作者 第一桶金 | 7th Jan 2016 | [舉報垃圾留言]

[3]

大同新村而家入得過嗎?


[引用] | 作者 同同 | 28th Dec 2015 | [舉報垃圾留言]

[2] 荀盤

Anthony 你好..謝謝你的分析, 十分受益..想請問你是如何找荀盤的.. 是否target了一區後..便在區內不斷找agent睇樓? 還是網上找樓..省下一些佣金呢?

另外, 你覺得煥然一居抵唔抵買?
謝謝!


[引用] | 作者 Eve | 26th Nov 2015 | [舉報垃圾留言]


投資者都喜歡建立自己的代理網絡。
上網是其中一個工具,但不會是我的主力,我不會想如何慳佣金,咁少錢慳嚟做乜?如果沒有代理網絡,就算俾你買到筍盤,將來又會唔會賣到好價呢?另,我覺得煥然一居唔抵買。

[引用版主回覆] | 作者 Dozy.第一桶金 | 9th Dec 2015

[1]

Anthony兄,佩服你的深入調研,獲益良多,請問你是否全職投資者?


[引用] | 作者 K | 25th Oct 2015 | [舉報垃圾留言]


是的,投資是我的主業。

[引用版主回覆] | 作者 Dozy.第一桶金 | 25th Oct 2015